3D

ДУБАЛГА СҮРӨТ ТАРТУУ
Дубалдарга сүрөт тартуу живопистин бир түрү болуп саналат жана анаморфоз деген аталышка ээ. Анаморфоздо 3 өлчөмдү (нерсенин бийиктиги, туурасы, узундугу) берүү жөндөмдүүлүгү башкы ролду ойнойт жана жыйынтыгында адам көргөн көзүнө ишенбегендей сүрөт жаралат.
Бул ирет калифорниялык сүрөтчү Жон Пьюнун дубал живописи боюнча сүрөттөрүнөн жарыялайбыз.
Үстүңкү сүрөттөгү китеп окуп отурган кыз да, астыңкы сүрөттөгү эс алып жаткан бала менен уй да сүрөткө кошо тартылганын айта кетели.

ТАБЫШМАКТУУ СҮРӨТТӨР
Табышмактуу сүрөттөрү менен дүйнөгө даңкы чыккандардын бири – мексикалык сюрреалист сүрөтчү Октавио Окампо («сюрреализм» – «реалдуулуктан алыс» деген мааниде). Анын сүрөттөрү маанисинин жашыруун экендиги менен өзгөчө. Анткени бир эле сүрөттү канчалык кунт коюп караган сайын анын ичинен жашырылып коюлган дагы бир же бир нече сүрөттү таап чыгууга болот.
Октавио Окампо 1943-жылы Мексиканын Селая шаарында дизайнерлердин үй-бүлөсүндө төрөлүп-өскөн. Анын көп сүрөттөрү учурда музейлерде сакталуу. Кээде заказ менен да сүрөт тартат. Мисалы, АКШнын президенти Жимми Картердин портретин тартып, ал эми ырчы Шердин альбомунун сыртын кооздогон.
Бүгүн Октавионун бир сүрөтү берилди. Сыртынан караганда бир гана кишинин сүрөтү тартылгандай болгон бул эмгектен бардыгы болуп 9 адамды табууга болот. Эмесе, аракеттенип көрүңүз. Болбосо, алдындагы сүрөткө карап санын чыгарыңыз.

Канымжан Усупбекова
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

Arstan

2011-03-12 02:35:38

Чынында коргон козуно ишенбей кетет экенсин,жанынан корсок кандай болот экен.

obo

2011-03-14 21:45:08

tan kalychtuu/sonia

dina

2011-03-18 08:56:21

Артындагы майда чуйдолорун жакшы коро албай койдум

pusha

2011-04-04 16:53:15

Жакшы экен

bost2428

2011-06-10 19:44:16

Адам баласынын колунуа эмнелер кана келбейт ээ.

kubzero

2014-12-18 11:59:34

Super uwuncha kyzyktuu eken

Комментарий калтыруу үчүн өз ысымыңыз менен кириңиз же каттоодон өтүңүз.

№ 436, 11-17-март, 2011-жыл