«КG 77нин» СУЛУУСУ АИДА
Атың чыкпаса жер өрттө деп самса да болгон, мумиё менен жүрөк да дарылаган “Тамашоунун” “КG 77” командасынын эң сулуусу Аида бизде мейманда.
Аты-жөнү – Жээнчороева Аида Талантбековна
Туулган жылы – 19**-жыл, 22-март
Туулган жери – КРнын борборундагы №1-төрөт үйү
Бою – Така кийсе Зияштан узун болуп калат
Чачынын өңү – Азыр кара “Рalette”
Салмагы – Экзамен учурунда кийимдери чоң болуп калат
Хоббиси – Сиңдилеринин жинине тийүү
Жактырган тамагы – Жактырбаса деле жей берет, керек болсо эркектерден көп жейт
Дежур сөзү – “Бул жашоодо баары болот, капа болбо, карындаш!”
Жактырган жаныбары – Ат менен бүркүт, анткени аларды өзүнө окшош сулуу жандыктар деп эсептейт
– Балалыгыңдан кандай элестер калды?
– Чоң апам жапкан нанды сагындым. Тууган жана туубагандардын балдары болуп ойночу элек.
– Кимге окшошсуң?
– Апам, атам экөө тең мени тартып тамашакөй.
– Жигитиң кандай болушун каалайсың?
– Менден он эки жарым сантиметр узун болсо дейм.
– Өзүңө жаккан жана жакпаган сапатың кайсы?
– Дайыма кечигип жүргөнүм жагат, анткени эң жакшы нерселер “десертке” калат да. Бирок ак көңүлмүн, ошонусу жаман.
– “Тамашоуго” кантип келип калдың эле?
– Куба “бир эле оюнга катышып бер” деп алдап чакырып, азыркыга чейин коё бербей жатат.
– 10 жылдан кийин өзүңдү кандай элестетесиң?
– Эки баламды жетелеп алып, үчүнчүсү боюмда. Үйлөнүү салонун жетектемиш болуп жүрсөм керек.
– Келечекте жолдошуң куудул болушун каалайт белең?
– Жо-ок! Мен эле жетишем, антпесе балдарыбыз жалжаке болуп калат го...
Салтанат Мукасова
tamasha@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (17)
Кудай сактасын мындай кыздардан. Уйлонуп калсан эненди окутуп койотко!!!
Боюм узун болсо таанышмак экемин...
Жылдыздуу татынакай кыз экен.азаматсын!
чувство юмора жакшы экен, мындай адамдар жашоодо да жакшы, молодец ишине ийгилик....
Эртеге бул да ырдап чыкса тан калбайм.Таланты бары деле жогу деле акыры ырчы болуп тааныла келишет. Онорлуу кыз экенсин мындан ары скетч шоу же болбосо КВН,тамашалуу конкурстарга катышып тааныла бер демекчимин.
аябай зорсунар дайыма алдыга
Ынак Осмоналиевтин "Мумиё дарын бар беле" деген клиптеги кызбы?
Kyzdarga sendei bolgon takyr jarawpait!Kyrska tolugu menen kowulam.
Абдан жакшы кичи пейл кыз! Мен аны тааныйм. Jaan, аны билбегенден кийин антип айтпа да!
мага аткарган тамашаларын баары жаккан. Андыктан ийгилик сага!
kyrs жана jaan тамашаны тушунбогон экоондойдон кудай сактасын.
Аида мага аябай жагат, жылдыздуу кыз.
Молодец Аида!!! Бекеринен Таластык эмессин да!!!
Айткан создорундун дагы баары тамашабы? Бул жерде жазылгандар?
