7 жыл мурун жоголуп кеткен наристе эми жигит болгон учурунда табылды. Тагдырдын элеги Нурланды жакшы эле элеп, кулчулуктун да азабын тарттырган экен. Анын азаптарына ким күнөөлүү дебейсизби? Эмесе, сөз башынан болсун.
БАЗАРДАН ЖОГОЛГОН БАЛА – Мен карапайым үй-бүлөдө төрөлгөм,- деп баштады өзүн Нарынкүл деп тааныштырган эже. – Атам 16 жашымда менин макулдугумсуз токтогулдук жигитке күйөөгө берип салды. Көңүл келбеген соң турмуш болбойт экен. Үч айдан кийин боюмда бар экенине карабастан, ажырашып кеттим. Күйөөм баладан ошондо эле баш тарткан. 17 жашымда уулдуу болуп, атын Нурлан деп койгон элем. Уулум 3кө чыкканда атасы келип, “менин каным” деп талаша баштады. Ал буга чейин көп жолу үйлөнүп, бирок балалуу болбоптур. “Ошондо кереги жок бала эми керекпи?!” деп уулумду бербей койдум. Кийин мен башка турмуш курдум. Ал мезгилде балам 7ге чыгып, 1-класска барып калган. Ошол учурда Нурланды өзүнүн атасы уурдап кетти. Көп жолу издеп барып, анан “мейли, эми өз атасы менен болсун” деп тынып калган элем. Ошол боюнча уулумдан кабар албадым. Кийин билсем, 2004-жылы чоң энеси менен “Ош базарында” жүргөндө жоголуп кетиптир. Анда Нурлан 10 жашта болчу. Алар 5-6 күн “Ош базарды” кыдырып издеп, дайынын таппай коюшат.
“КУЛЧУЛУККА ЖАЛДАП...” – Көчөдөн Нурланды таап алган адам райондук милиция бөлүмүнө алып барып таштап кетет. Ал эми ошол учурдагы өспүрүмдөр иши боюнча инспектор Нурдин Өмүрбеков уулумдун ата-энесин тапканга аракет кылбаптыр. Көчөдөн табылган баланы олжо катары көрүп, башка метрика менен Казакстан аркылуу Таластагы ата-энесиникине жиберет. Ошентип, балам ата-энеси тирүү туруп кулга айланат. Жазында жер айдап, буурчак сээп, кышында мал багып, үй-бүлөгө тиешелүү бардык жумуштарды жасачу экен. Баламды мен кокусунан таап калдым. Тааныштарым “Кайдасың?” телеберүүсүнөн Нурланды чоң энеси издеп тапканын көрүшүптүр. Бир жумадан соң уулумду таптым. Ага “эмнеге мени издеген жоксуң?” деп айтып ыйладым. Кайненем “апаң өлүп калган” деп ишендирип койгон окшойт. Азыр уулум колумда. Бизди табыштырган Кудайга рахмат айтканыбыз менен, 7 жыл бою кулдукта кармаган адамдарга наалат айтам. Уулумду кыйратып окутушпаптыр, китепти муундап окуйт. Баламды кулга айландырган инспектордун ата-энеси келип алдыбыздан өтүп, “150 миң сом компенсация төлөп беребиз, арызыңарды алгыла. Баарын кыргызча эле бүтүрөлү” деген бойдон кабарсыз жоголду.
Нурлан Макушов: “КҮРӨК МЕНЕН УРУП КЫЙНАШКАН”
Биз балакай кезинде жоголуп, инспектордун ата-энесинин колунда кыйынчылык көргөн жаш жигит Нурлан Макушов менен да маек курдук.
– Нурлан, жоголуп кеткен күндөн баштап башыңдан өткөргөндөрдү айтып берсең... – «Ош базарынан» чоң апам менен жүрүп адашып калдым. Атам шаарда батирде турчу. Жашаган жерин таап барсам, бир байке чыгып “атаңдар көчүп кетишкен” деди. Ал мени эки күн багып, анан милицияга өткөрүп берди. Эртеси келсек, Нурдин байкенин күзөтү экен. Менде ата-энемди табам деген үмүт бар эле. Бирок Нурдин байке “мен сени багып алам” деди. Элес-булас эсимде, “Казакстан” деген жазуу бар жерден өткөнбүз. Мени өзүнүн баласынын метрикасы менен алып өттү. Ошол күндөн баштап Талас облусунун Бакай-Ата районуна караштуу Кызыл Октябрь айылында бир үй-бүлөнүн кадимки кулуна айландым. Бардык жумуштарды жасачумун. Мектепке жиберишкен жок. Кыйналып кетип, акыры качканга аракет кылдым. Бирок мени кармап алышып, күрөк менен сабашты. Башымдан кан куюлуп кулап жатсам, бири да жардам бергенге жарабай басып кетишти. Кийин алардын туугандары жардам беришип, качып чыгып, борборго келдим. – Биз ал инспекторго телефон чалсак, “менин ал ишке тиешем жок” деп жатат. Сен ошол инспектор экенин далилдей аласыңбы? – Кантип эле тааныбай калайын? Жакында эле Нурдин байкенин ата-энеси алдыбыздан өтүп келгенде атасы “сени мен “Ош базардан” эле таап алгам” деп жатпайбы. Мени “Ош базардан” таап алган эмес. Жөн гана уулунун иштеген жерин жашыргысы келип жатат.
“СИЛЕР МЕНЕН АДВОКАТЫМ СҮЙЛӨШӨТ”
Бул окуя бизди таң калтырып, учурда Бишкекте, Ленин РИИБинде иштеп жүргөн Нурдин Өмүрбековго кайрылдык. Биздин телефон аркылуу маегибиз мындай болду:
– Саламатсызбы. Биз гезиттен телефон чалып жатабыз. Нурлан деген баланын тагдыры боюнча... – Мен андай баланы тааныбайм. Силер жаңылышып жатат окшойсуңар. Ушинткен ал телефонду коюп койду. Кайрадан байланышка чыгууга аргасыз болдук. – Байке, сиз тааныбайм деп жаткан Нурлан сизди тааный турганын айтып, кандай машина минип жүргөнүңүздөн бери билет экен. Балким, келип маек куруп берерсиз? – Азыр силер менен сүйлөшкөнгө убактым жок. Силерге менин адвокатым өзү чалып байланышат.
Кыска сүйлөгөн Нурдин мырза телефонун өчүрүп салды. Биздин заманда минтип караламан кишини кул кылып алуу да бар экенине таң калып баш чайкадык. Эми эне-бала өз укуктарын коргоп, инспекторду жазага тарттыра алышар бекен?
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (26)
lolo
2011-04-26 20:19:07
Super-Info suranabyz bul balaga jardam berip koigula, biz dagy koldoibuz. Bul bala mal menen omuru otkonu betinen ele bilinip turat.Ushunchalik tash boor adamdar bolobu ata-enesinen tiruloi ajiratkan,alar jazasyn alsysh kerek.
0
UvE
2011-04-26 21:58:37
Нурдин эчки десе! Ушундайлардын муйузу осуп, козун май басып калгандар деп коет, бийлигине ишенип эч ким билбей калат деген да, тварь! Кудай коруп турат, Аллахтын жазасын берсин сага!
0
Narynbek
2011-04-27 14:17:20
Карасан дагы компенсация толоп беребиз дешип уялбай келишкенин!Баарын чогултуп турмого камаш керек.
0
Niyazbek Torobekov
2011-04-28 03:58:35
Колумдан келсе жертоло казып ушундай алсыздарды басмырлагандарды камап олгу чейин карап жатмакмын а инспекторду болсо эшектей иштетмекмин айбан десе
0
AIZAJANKA
2011-04-28 12:49:04
Инспекторду соттош керек и жумушунан алып ыргытыш керек. Айбан. Бул дуйнодон жазаланбасан, аркы дуйнодо Кудайым жазаласын сени.
0
Konfetka
2011-04-28 19:33:05
Uwundai eneler da bolot eken da! Uwun4a jyl uulunan kabar albai emi mintkeni4i! Adamdyn janyn kawaitat da jon ele!
0
MaksKG
2011-04-29 07:29:37
Укук коргоочуларыбыз мындай кылса , башка бале тушсо кимге кайрылат экенбиз. . Биринчи бале ошолор.
0
yalida-82
2011-04-29 10:06:52
Туура чын эле укук коргоочуларыбыз ушундай кылып аткандан кийин кимге ишенууго болот, азыркы заманда айбандан эмес адамдан корко турган болуп калдык го, кудай коруп турат кудай жазасын берсин, а байкуш балага болсо мындан ары кудайдын козу туз болуп калган жашоосун бактылуу откорсун оомиин.
0
yalida-82
2011-04-29 10:33:25
иий байкуш видеосун коруп ыйладым боорум ооруп, суйлогон создору орундуу акылдуу бала корунот, турмушту тушунуп калыптыр азыркы 17 жаштагы балдар билими туруп мындай суйлой алышпайт, чын эле достор бул балага жардам бериш керек, бесплатный курстарды таап берип кичине билиме жардам бериш керек, супер инфо силерден суранам бул балага жардам бергилечи
0
oshmir
2011-04-29 10:45:27
Мындай ишти жасаган адам, бул инспектор гана эмес. Мен айылда копту эле кордум Бул нерсенин алдын албаса болбойт.
ushuncha jyl balasyn izdebegen ata ene kanday adamdar boldu eken???biroolordun kolunda kor kylbay izdese bolmok...ortodo ele bala..balada emne kunoo ???
0
aijas
2011-04-30 17:49:22
atasi ozu bakpagandan kiyin emne uurdap ketet balani enesinen. enesi dagi kompensiatsaga makul bolup kalganin kara, 150 min emes 150 million berse da bashinan otkorgon kulchuluktu ech kanday akcha aktay albayt, a inpektordu jana kul kilip karmap jurgon adamdardi elge betin korsotup jazalash kerek. jana kachkanga jardam bergen adamdarga choon rahmat. alar jardam berbese bala dagi ele kul bolup juro bermekda.
0
GulyaJ
2011-05-03 22:16:51
Nyrlan emi dele kech emes okyysan bolot .Elebaeba kochosyndo kechki mektep bar oshol jerden syrashtirsan bolot.JAna men iyun 15inde BISHKEKTE BOLOM telefonyndy je adresindi redaksaga kaltirsan jardam jerem.
0
Guliza_Ismanalieva
2011-12-30 18:51:35
Салам форумчулар !!!чынында эле уйаты жок экен кудайым озу жазаласын мындайларды ....
0
Комментарий калтыруу үчүн өз ысымыңыз менен кириңиз же каттоодон өтүңүз.
