«NON-STOP» дуэти, «ЖҮРӨГҮМ САГА»
"Супер дебют-2010" наамынын талапкер болгон “NON-STOP” дуэти жакында "Жүрөгүм сага" аттуу ырына клип тартты. Клип заманбап тартылып, кыска сюжетти камтыйт.
Режиссёру жана оператору – Мирлан Саткынбаев
Бюджети – 3000 доллар
Тартылган жери – Астана шаары
Узактыгы – 2 мүнөт 46 секунд
НЕГИЗГИ СЮЖЕТ
Клип чиелешкен узун окуяны камтыбаса да, сюжети бар. Кыз-жигит башында бири-бирин түшүнүшпөй урушуп, эки ажырым жолго кетишет. Анын себеби – жигит сүйгөн кызын башка бирөө менен кафетерийден көрүп калганында. Бул окуядан кийин кыз-жигиттин ортосунда кусалык, сүйүүдөн азап чегүү күч алат. Клиптин соңунда кызды жандап отурган мырза жөн гана досу экени билинет.
ЧЕТ ЖЕРДЕ ТАРТЫЛГАН КЛИП
Клип алгач Казакстандын Алматы шаарында тартылмак. Ал үчүн бир айча ырга татыктуу сюжет менен клип тартылуучу кооз жайларды караштырышкан. Бирок съёмкага аз калганда Астанага барып, ошол калаа жагып, Астанага токтолушат.
“Клипти Бишкекте тартууну да ойлодук. Бирок биздеги жайлардын баарын клиптерге тартып бүттүк. Мисалы, жөнөкөй эле мейманканаларды алалык, бир эле номерде жок дегенде 2-3 клип тартылган. Анан окшоштуктан качып, Астананы тандадык”,- дейт "Non-Stop" дуэтинин жетекчиси жана “Тумар” радиосунун негиздөөчүсү Алексей Сидоров.
ЧОЛПОН БААРЫН «ШОК» КЫЛЫП...
3 күнгө созулган съёмка учурунда көп кызыктар болгон. Чолпон кызыктардын негизги каарманы экен. Сюжет боюнча, капаланган Чолпон жигитин жаакка чапкан жери бар. Ошол учурда Чолпон абдан образга кирип кеткенби же өзүнүн анча-мынча жинин чыгарып алгысы келгенби, Максатты шак этип эле жаакка катуу тартып жиберет. Максат да түшүнбөй: “Чолпон, эмне кылып жатасың?!”- деп кызды эсине келтириптир.
Ошондон кийин эле чуркап чыккан кыз көчөдөн такси тосмок. Ал үчүн атайын унаа сүйлөшүлбөй эле жолдогу өтүп бараткан бирөөнү Чолпон токтотуп, аны клипке тартып алышмак. Бирок бул жерде да ырчы кыз кесиптештерине “сюрприз” тартуулаганга жетишиптир. “Мотор, камера!” командасы берилип, съёмка башталганда Чолпон жолдо келаткан машинага кол көтөрөт. Айдоочу токтоор замат ага бир ооз сүйлөбөй унаанын арткы эшигин ачып, шып отуруп, кетип калат. Мында да тартуучу топ бир сыйра “шок” болушат. Чолпон бир аздан кийин гана эч нерсе болбогондой кайтып келиптир.
(Аталган клипти бул жерден көрүүгө болот)
Гүлжамал Бөрүкулова
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (19)
Жесть.Чем считать чужие деньги,чем нибудь полезным занялись бы!
За клип Зачет!!!Не плохо!
Клип укмуш,ушул ыр менен ооруп журом озу. Максатты футболдон коруп суйуп калдым
Нон-Стоптун ыры жана клиби жакшы тартылыптыр. Азыр баскан-турганың акча болуп калгандыктан, туура эле айтышса керек.Айланы таппай калганда акчасына асылгандарды мен көрө албастар деп ойлойм.Кайсы клипмейкер 500 долларга клип тартып берсин, жомоктогу кыялды айтасыңар да...
Азыр эч ким 500 долларга клип тартпайт. Туура эле, ошондой эле кетет. Анын эмне 3000 долларына ичинер куйуп атабы??? Кетсе кетти дейт да. Сами прекрасно знаете какая сейчас жизнь дорогая!!!
эн жакшы ыр, а клибин коро элекмин. мага ушу нон стоптун баардык ырлары жагат
професианалдуу клип тартыш учун 20 мин доллардан 100 000 мин долларга чейин талап кылынат.албетте бул шоу бизнес онуккон олколордо.Коншулаш озбектерден мисал алыщса болот,клипти да сонун тартышат,кинону да жакшы тартышат,негизиле фантазиялары кучтуу.Шоу бизнесте бизден алда канча алдыда турат
кайсы кана ырчы клип тартпасын аны сыноого даяр эле турабыз, сынагандын ордуна кичине болсо деле колдоп койсонор болмок, алар короткон акчаны оздору билет себеби ал акчаларды силер таппадынар,оздору табышты. Арткатарканды жакшы коргон адамдар арабызда жок эмес.
заманбап ,соонун ыры да клиби да ,канча акча сарптаса да ал оздорунун иши оздорунун акчасы ,силерге жакшы сезим калтврса болдубу,Казакстанда кымбатчылык кетиришсе кетиргендир ,татынакай шерик экен ырчылар ,алга!
Молодцы, fantom клип тартканга 1 эле кун кетпейта реално эле 3000доллар кеткен болуш керек билесиздерби Астанада бут кымбат тамактануу ал жакта бул жак мене салыштыруу болбойт.Ал жака караганда Кытайда арзанчылык Б.Бадыевага караганда туурасын айтышыптыр ал болсо тим эле 40 000 мин доллар деди элего ордокторун учуруп.
Бут баарын эске алыш керекта,кийими косметика чач жасалгаласы ж.б.
кытайда 100 доллар айабай чон акча А Астанада болсо 100доллар биздин 1000-1500сомдой эле
