БИРИНЧИ ЖОЛУ ВРАЧТАР ООРУЛУУНУ СПИДден АЙЫКТЫРЫШТЫ

42 жаштагы америкалык Тимоти Рэй Браун Германияда лейкемиядан айыгуу үчүн дарыланып жатып, тарыхка кирип каларын билген эмес.

Тимотинин ВИЧти жуктуруп алганы 1995-жылы аныкталган. Арадан 4 жыл өткөндөн кийин медиктер ага лейкемия (ак кан) деген коркунучтуу диагнозду да коюшкан. Браун өмүрүн сактап калуу үчүн жилик сөөктөрүнүн ичиндеги чучуктарды алмаштырууга макул болот. Операция Германияда өтүп, аны врачтар – Геро Хьюттер жана Томас Шнайдер жасашат. Кызыгы, Тимотиге ВИЧтин вирусун генетикалык жактан кабыл албай турган донордун сөөк чучугу салынган. Мындайлар планетадагы адамдардын, болгону, 1 пайызын түзгөндүктөн, Тимотинин жолу болду десек жарашат.
Операциядан бери 3 жыл өттү. Жакында врачтар Тимотини кылдат текшерүүдөн өткөрүшкөндө, анын организминде ВИЧтин вирусунун изи да калбаганы аныкталды.
Учурда Тимоти Сан-Францискодогу үйүндө жашап, ден соолугуна Калифорния университетинин врачтары көз салууда. Азырынча басып-туруу, дегеле кыймылдоо кыйындыкты жаратканы менен, Тимоти ВИЧтин дарысын ичпей калды. Жана жашоосу калыпта өтүүдө.
Операция жасаган врачтар оору кайра өнүгүп кетиши мүмкүн деп, анализдерди тапшырып туруу керек экендигин айтышууда. Операция татаал жана өтө кымбат тургандыктан, СПИД менен ооругандарды операциялык жол менен айыктыруу ыкмасынын жайылышы күмөн.

Канымжан Усупбекова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

kizil

2011-06-20 13:48:59

бир жакшы кабар

Cyldyzka

2011-06-20 15:55:16

akçan bolso cakşı kabar

otin

2011-06-21 13:19:01

бул да болсо алдыга жылыш........

jumash

2011-06-23 11:26:40

Бул СПИД деген оооруну кантип жуктуруп алды экен

19zamir87

2011-06-24 12:22:04

даа.. Тимотиге повезло!!!
Өтө татаал операция жасалыптыр и баасы да кымбат экен.Спидден айыктыруу үчүн башка даарысын табышса экен а может Кыргызстан таап калар,ошондо Кр ны дүйнө жүзү тааныйт эле.Эмнеси болсо да жаштарга спид жөнүндө көбүрөөк маалымат берип коюшуңуздарды суранам.(мен таза болсом,коом таза болсо „спид”жок)

ERMANI

2011-06-24 21:02:16

Канымжан Усупбекова.Siz VI4 menen SPIDti aralashyryp jazypsyz.Men okup butkondon son sizdin VI4 jana SPID jonundo takyr maalymatynyz jok ekeninizge tushundum.Bul oorulardyn attaryn jakshy bilgender maga koshulushat.Al emi na4ar bilgender SPID menen VI4ti bir ele oorunun ,2 aty bar eken dep tushunup kalyshat.

pearle

2011-07-04 16:16:23

А айырмасы емнеде?

Комментарий калтыруу үчүн өз ысымыңыз менен кириңиз же каттоодон өтүңүз.

№ 450, 17-23-июнь, 2011-жыл