СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
Ырчы кыз Бактыгүл Бадыева жакында кычыраган кызыл түстүү "Гольф-3" маркасындагы машиналуу болду. "Дал ушундай машинага ээ болуу – менин көптөн берки тилегим болчу. Мына, эми тилегим ишке ашып отурат. "Жаштын тилегин берет" деген ушул экен. Машина айдаганды мурун эле билчүмүн. Азыр жөө жүрбөй, иштеримдин баарын зуулдатып машинам менен бүтүрүп жыргап калдым" дейт жаш ырчы. 
“Браво” телеберүүсүнүн алпаруучусу Нурзат Токтосунованын жашоосунда жакындан бери сырдуу бир жигит пайда болду. Ал кыялкеч бейтааныш күн сайын болбосо да эки күндүн биринде Нурзаттын эшигине гүл таштап кетет экен. Кызыгы, Нурзат аны көрүүгө канчалык кызыкканы менен ушул убакка чейин бир да жолу көрө албаптыр. Сырдуу жигит Нурзатка гүл ташыганын качанга чейин улантаар экен? Анан да бул жөнүндө Нурзаттын жигити билсе эмне дейт болду экен десеңиз?!.
Күйөөсүнөн токмок жегенине байланышкан чыры дүйнөгө угулган Жасмин күйөөсү Вячеслав Семендуев менен акыры ажырашып тынды. Сот мүлктөрдү бөлүштүрүүдө экс-жубайлардын жекече чечимдерин да эске алды. 
Миллиондогон ыр күйөрмандарынын сүйүктүүсү 57 жаштагы Валерий Леонтьев бала багып алууну чечти. Бул жөнүндө ырчы мурун эле максат кылып жүргөн. Болгондо да багып алган баласы чоңойгондо музыка жылдызы болушун тилек кылчу. Андан тышкары Леонтьев болочок баласы жөнүндө «3 жашка чейин болсо... Анын ата-энеси музыка чөйрөсүндөгү адамдар болуп, кандайдыр бир бактысыз кырсыктан улам бул дүйнөдөн өтүп кеткен болсо...» деп кыялданат. Акыры ырчы кыялын ишке ашырууга бел байлады. Мындай маанилүү маселени чечүүдө күйөөсүнө жөлөк-таяк болуш үчүн ырчынын жубайы Люся атайын Майамиден Москвага келди. Жубайлар өздөрүн кызыктырган маселе боюнча тийиштүү мекемелерге кайрылышканда адистер аларга бир топ документтерди даярдаш керек экенин түшүндүрүштү. Баарынан кыйындык туудурганы – Валерийдин бир убакта эки өлкөнүн: АКШнын жана Россиянын жараны экендиги болду. Ошондуктан, азырынча Валерий Россиянын гана жараны болуп турууга аргасыз болду. Ошентип, эми бала тандоо маселеси гана калды. Ырчы болочок баласына Саша деген атты эчак эле ыйгарып койгон.
“Клон” сериалындагы Жадинин ролун аткарган Жованна Антонелли жашоосуна өзгөртүү киргизүү алдында турат. 2007-жылдын башында ал америкалык ишкер Роберт Локасиого турмушка чыгууга камынууда. Тойдон соң баласы Пьетрону алып, күйөөсүнүн жеринде – Америкада жашамакчы. Актёрлук карьерасын да Америкада улантмакчы. Учурда болсо Жованни сентябрда тартылып бүтүүчү “Амазония” фильмине тартылууда.
“Тагдыр кожейкеси” сериалындагы Мария ду Кармунун ролун ойногон Сюзана Виейра 23-сентябрда сүйүктүүсү Марселу менен баш кошмокчу. 64 жаштагы актрисанын болочок күйөөсү өзүнөн 29 жаш кичүү, башкача айтканда, 35 жашта. Экөөнүн баш кошо тургандыктары жөнүндө февралда анык болуп, июнда болочок күйөө Сюзананын колуна шакек салган. Сюзана азырынча тойду өзүнүн Риодогу үйүндө өткөрөөрүн же башка жакта өткөрөөрүн чече элек.
29-августта Бразилиянын Сан-Паулу шаарында атактуу футболчу Пелеге эстелик тургузулду. Эстелик “Ювентус” футбол клубунун стадионунун кире бериш жерине орнотулду. Эстеликти орнотууга Пеленин бул стадиондо 50 жыл мурун өзүнүн алгачкы мыкты голун киргизгендиги себепкер болду. Салтанатка катышкан “футбол королу” буга өзүнүн абдан толкунданганын билдирди.