Ырында айтылгандай, сүйүүдөн кыйналып, баарынан тажаган ырчы Урмат Усеновду Таласта МАИ кызматкерлери кармашты. Туулган жерине барган ырчы жумуштары менен шашылыш баратып саатына 182 чакырым ылдамдыкта жүрүп баратканын өзү да байкабай калган. Артынан кууган эки машина Урматтын ылдамдыгынан араң өтүп барып, ырчыны токтотушкан. "Буга чейин мындай жогорку ылдамдыкта айдаган эч кимди кармаган эмеспиз",- деп таңкалган МАИ кызматкерлерине ырчы белгилүү өлчөмдөгү айыпты төлөп кутулган.