ААЛЫ МЕНЕН АЙЖАМАЛ УУЛДУУ БОЛУШТУ

Назик үндүү ырчы айым Айжамал Кабылова жолдошу Азаматты сүйүнтүп, кызы Жыпарды инилүү кылды. 3 килограмм 700 грамм салмакта төрөлгөн наристесине Айжамал менен жолдошу Темирлан деген ат коюшту. Учурда эне-бала ден соолугу чың, Москвада.
Ал эми чукугандай сөз тапкан төкмө акын Аалы Туткучев 11-май күнү 3 килограмм 500 грамм салмак менен жарыкка келген уулдун атасы болду. “Уулум жазма акын апасын, төкмө акын атасын тартып акын болот окшойт, ыйлаганда дагы куюлуштуруп ыйлагансыйт”,- дейт кубанычы коюнуна батпаган төкмө акын. Аалынын апасы небересине Нурамин деген ысымды ыйгарды. Эмесе, биз да кичинекей Темирлан менен Нураминге кең келечек, бактылуу балалык каалап, бешик боолору бек болсун дейли.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 393, 14-20-май, 2010-ж.