Аскар Акаев: «КОЛ ТИЙБЕСТИКТИ АЛУУ – ПАРЛАМЕНТТИН ГАНА УКУГУ»

7-апрелде Курманбек Бакиев бийликтен кеткен соң табасы канган Аскар Акаев бийликке келгендерди мактабаса да, алардын короосуна ушул күнгө чейин таш ыргыткан эмес эле.
Убактылуу өкмөттүн мүчөлөрү кезектеги декрети менен Аскар Акаевди кол тийбестигинен ажыратты. Мына ошондо жылмаюусу менен эсте калган экс-президент “менин кол тийбестик укугумду бир гана парламент жокко чыгара алат” деген ачуу аралаш сөзүн Орусиядагы “Время новостей” гезити аркылуу жарыялады.
66 жашка таяп калган Аскар Акаев кол тийбестикти алуу боюнча демилгечи тууралуу: “Азимбек Бекназаров дайыма менден өч алууну каалайт”,- деп билдирди. Экс-президенттин айтымында, Азимбек Бекназаров дайыма өзүнө оппонент болуп келген. Ал “мени кол тийбестиктен ажыратуу аркылуу шайлоо алдында упай топтоону көздөшүүдө” деген пикирде.
Ал эми 19-августта экс-президенттин кызы Бермет Акаева Бишкекте маалымат жыйын уюштуруп, УӨнүн бул кадамына “күлкүлүү” деп баа берди. Анын айтымында, УӨнүн мүчөлөрү кол тийбестикти алуу декретине кол койгусу келген эмес, бирок аларды тымызын коркутушкан. “Ал кагаз мыйзамсыз. Аны парламент тийиштүү процедура менен гана кабыл алса, мыйзамдуу деп эсептөөгө болот”,- дейт Бермет Акаева.
Эскерте кетсек, 13-августта Аскар Акаевдин кол тийбестик статусун алуу боюнча УӨнүн декретине Роза Отунбаева кол койгон. Карапайым калкка ок атуу, Кытай менен Казакстанга Кыргызстандын жерин берүү, элдик байлыкты жок кылуу кылмыштары боюнча Аскар Акаевди жоопкерчиликке тартып, Баш прокуратурага аны мекенине алып келүү буюрулган.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

avatar

2010-08-20 18:52:54

Камапсалгыла ошол Акаевди.

jalbirak

2010-08-23 23:04:41

эмнеге камамак эле жакшы кишини жакшы эле деш керек. мен бул кишини адам катары сыйлайм !!!!!!!!!!

marina

2010-08-25 21:09:08

A:A kynosy bargo kynosy barbolso joopko tartish kerek:

Комментарий калтыруу үчүн өз ысымыңыз менен кириңиз же каттоодон өтүңүз.

№ 407, 20-26-август, 2010-ж.