БИЙЛИКТИ ЭЛҮҮДӨН АШУУН ПАРТИЯ ЭҢСЕЙТ

Борбордук шайлоо комиссиясы парламенттик шайлоого катышкысы келген саясий партияларды каттады. Анын жыйынтыгында Жогорку Кеңеште орунга ээ болгусу келгендердин саны 57ни чапчыды.
“Чү” дегенде эле Клара Ажибекова жетектеген Кыргызстандын Коммунисттик партиясы каттоодон өтсө, акыркы болуп “Айымдар акыйкат үчүн” партиясы БШКнын тизмесине жазылган. Андан сырткары каттоого турган башкы ондуктун ичинде көрүнүктүү партиялардын катарында “Ата Журт”, “БЭК”, “Республика”, “Ак шумкар”, “Ата Мекен” бар. Экинчи сапта “Замандаш”, “Акыйкат” жана “Ар-намыс” партиялары турат. Баарынан озуп кетпей, артта да калбагандардын ичине “Бүтүн Кыргызстан” менен “ЭрК” партияларын кошууга болот.
Ал эми президент айым чыккан КСДП башка партияларга салыштырмалуу “уйкусурап” турганы (балким, өздөрүнө абдан ишенишеттир) тизмеде да байкалат. Анткени алар шашпай отуруп, 45-орунда катталышкан. Кечээ эле ушул партияда жүргөн, азыр “Айкөл элди” жетектеген Эдил Байсалов “агасына” тартканбы, тизменин 47-сабына илинди.
Бул тизмеге кошулгандардын бири “Асаба” улуттук кайра жаралуу партиясы да парламенттеги орундар үчүн күрөшмөкчү. Аталган партия 23-августта кезектеги курултайына даярдык көрүп жаткандыгын билдирди.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Ceed

2010-08-21 11:25:58

Ммм, тушунуктуу! Мен эле калыптырмын да партия тузбогон! Тузуп каттоодон отуп койсомбу, 58чи партия болуп?

jer

2010-08-22 15:52:02

Эми ушул партиялардын копчулугу акча иштоо учун гана катталып жатышат, чындап шайлоого барам дегени 10 жакын эле партия.

Regenbogen

2010-08-23 22:48:40

oj,oj,oj kajra ele taz kejipti kijebiz go Kirgizstan...alakandaj mamleketke 57 partijanin emne keregi bar degi...koro4e uuujas

Комментарий калтыруу үчүн өз ысымыңыз менен кириңиз же каттоодон өтүңүз.

№ 407, 20-26-август, 2010-ж.