УШАК УЗАККА ЭМЕС, ТУЗАККА АЛЫП БАРАТ

Баяндамачынын бурчу

10-октябрда өтүүчү шайлоого жыйырма күнгө чукул убакыт калды. Азыр БШК тарабынан тизмеси каттоодон өткөн 29 партия кызуу үгүт иштери менен алек. Элдин көңүлүн өзүнө бурдуруу үчүн адамдын башына кандай гана амалдар келбейт. Алсак, үрөйдү учурган жана кара өзгөй ушак-айыңдар кеңири жайылат.
Жеңил-желпи көрүнгөнү менен, салмактуу саясатчылардын колунда эле атайын ушак ойлоп таап, аны таратуу боюнча адистер иштешеринен кабарыбыз бар. Өз учурунда бул ушактын максаты кимдир бирөөнү жамандоо жана каралоо экени айдан ачык. Анан да ушак канчалык шумдуктуу болсо, эл ошончолук ишенери кейиштүү чындык.
Жакында басылмалардын бири Өмүрбек Текебаевди сындаган материал чыгарын кабарлады. Алар Өмүрбек мырзанын өткөн жолуна токтолуп, беш өрдөктү болушунча учуруп, каралоо максаты менен кыргыз элине жар салганы жатышыптыр.
Бирок “Ата Мекен”, айрыкча анын лидерине карата каралоолор далай жолу айтылып келген. Аталган партиянын өкүлдөрү дагы канча убакыт саясат айдыңында болсо, дале айтыла берсе керек. Балким, буга жооп иретиндедир, Өмүрбек Текебаев Жалал-Абадга барган сапарында: “Эгерде шайлоо адилеттүү өтсө, бизди эч ким токтото албайт”,- деди. Анын айтымында, партияны эки фактор: ок менен ушак гана токтото алат. “Окту Жараткан токтотсо, ушакты өзү калп-чынды ажырата алган эл гана токтотот”,- деди Өмүрбек мырза.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

kutush

2010-09-18 11:34:08

Ата Мекен партиясынын лидери О.Текебаевге кандай гана ушактарды чыгарышпады бирок баары жалган экенин турмуш далилдеп жатат.Бизде кыргыз саясатчылары озунун кылган иши жок же партиясынын програмасы жок болсо эле ушинтип жалган ушактар менен элди алдаганды мода кылып ад

Ceed

2010-09-18 13:18:37

Шамал болбосо теректин башы кыймылдабайт! Булар эски бору, а эл буларга кара куч, куду шахматтагы "пешка". Качан каалашса элди топтоп чыгышат жана жолун билип алды. Бакиев, Акаевге кошулуп элди да бузгандар ушулар! Ортодо байкуш эл ушагына да, маанисиз саясатына да башы айла

Ceed

2010-09-18 13:20:01

нып, кимге ишенерин билбей калды! Эхх, шордуу кыргызым, дагы канча шордукту булар коргозот экен! Не болсо да аман бололу!

kyrgyzstan

2010-09-20 11:41:40

Албетте "черный пиар" ыплас нерсе, бирок Текебаевге ж.б. убактылуу окмот мучолоруно ишеним арткандар алардын аткарган иш-аракетин,реформаларын баалап иренжип турган учуру,азыркы бийлик тарыхтагы рейтинги эн томон бийлик болуп эсте калмакчы..

kyrgyzstan

2010-09-20 11:45:35

Албетте,мен Акаев менен Бакиев жана анын кландарына каршымын,азыр элдин умуту Кыргызстанды онуктуруп элге жакшы жашоо тартуулочу азаматтар болсо деген эле тилек,коррупция,бир жактуу жалган маалыматтардан,ж.б.ж.б.тажадык..Бизге эл камын ойлогон реформатор окмот керек.

meerimkameerim

2010-09-23 15:20:19

Биринчи коч кайда барса экинчи коч ошол тарапка барат эмеспи анын сынарындай азыркы саясатчыларга да ишенич жок! Менин оюмча азыр татыктуу партия жок! Айла жок конулубузго жакынына добуш беребиз да. Жогоруда айтылгандай шамал болбосо теректин башы кыймылдабайт! Азыркы са

Комментарий калтыруу үчүн өз ысымыңыз менен кириңиз же каттоодон өтүңүз.

№ 411, 17-23-сентябрь, 2010-ж.