«КҮЧТҮҮ» РЕФОРМАГА КИМ НААРАЗЫ?

Бул аптанын чоң жаңылыгы күч структурасындагы орун алмашуулар болду. Муну айрым серепчилер “Роза Отунбаева акырындык менен бийликти колго алып, аны пайдалана баштады” деп баалап чыгышты. Анткени кызматынан кол жуугандарды вице-премьер-министр Азимбек Бекназаровдун “адамдары” дешчү эле. Азимбек мырзанын ооруканада жатып калганы себеп болдубу же башкабы, бирок шайлоонун алдында күч структураларынын башчылары жаңыланды.
Алсак, 7-апрелден кийин башкы прокурор болуп дайындалган Байтемир Ибраев кызматынан шыпырылып, анын ордуна ИИМдин министри Кубатбек Байболов келди. Ал эми Кубатбек мырзанын креслосуна Зарылбек Рысалиев отуруп калды. Ал Бишкек шаарынын Ички иштер башкармалыгын жетектеп, май, июнь айларындагы митингдерди жөнгө салууда, айрыкча Урматбек Барыктабасовду колго түшүрүүдө көпчүлүктүн көзүнө илинбедиби.
Президент айым муну менен гана токтоп калган жок. Буйрук чыгарылган күндүн экинчи жарымында Жогорку Соттун төрагасы Кубаныч Момбеков кызматынан кол жууду. Азырынча анын милдетин аткаруучу болуп Феруза Жамашева дайындалды.
Шашылыш түрдө ооруканадан чыккан Азимбек Бекназаров мындай кадрдык саясатка каршы экенин билдирди. Ал: “Роза Отунбаевага бул иш түбүңүзгө жетет деп айттым”,- деп ажо айым менен араздашуусун журналисттерге баяндап берди.
Күч структураларындагы жаңылык муну менен эле чектелген жок. ИИМдин башчысынын орун басары Мелис Турганбаевге милициянын генерал-майору деген наам ыйгарылды. Адатта ар бир ажонун “өз генералдары” болор эле. Ошентип, апрелден бери мындай чинге ээ болгондордун саны үчкө жетти.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

kutush

2010-09-18 11:24:03

отунбаева шайлоолор таза адилет отот деп айтып жатып эми шайлоо жакындаганда айткан создорунон кайта баштады го. Себеби бир тууган иниси тизмеге кирген СДПК партиясына жан тартып ошол партиянын кызыкчылыгына жараша кадырдык дайындоолорду кылып жатат.Мисалы ИИМ башчылы

Ceed

2010-09-18 12:55:24

Отунбаева ким? Бул деле Акаевдин, Бакиевдин кишиси! Бул деле ошолордун тарбиясын алган, ошолордун нанын жеген. Эмне учун шайлоого чейин алмаштырып ийди, СЕБЕБИ, ЖОК? Кобуно бул тушунуктуу, ал тушунук: Роза Отунбаева озунун жолун тазаламайга отту, деген соз! Азимбек ким? Бул д

Комментарий калтыруу үчүн өз ысымыңыз менен кириңиз же каттоодон өтүңүз.

№ 411, 17-23-сентябрь, 2010-ж.