ТЕМИР ЖОЛДОГУ КОРДУК

«Бишкек-Москва» поезди 17-сентябрь күнү кезектеги сапарында “Жайсаң” станциясына токтоп, бирок бул жолку аялдама өзүнчө бир нааразычылык акциясына айланды. Орус-Казак чек арасында жайгашкан бул станцияга поезд таң эрте келип, Казакстандын чек арачылары кадимкидей документ текшерүүнү жүргүзө баштаган. Бирок Москвага күйөөсүнө бара жаткан 26 жаштагы чүйлүк аялдын документинен кемчилик табылып, аны чек арачы кабинетке чакырат. Дал ушул кабинетте чек арачы кыргыз келинди зордуктаган. Бул аралыкта поезд да кармалып, кабинеттен чыккан кыз кордолгонун айтып берген. Бат эле поезддеги жүргүнчүлөрдүн арасына таркап кеткен казак чек арачыларынын шумдугу кыргызстандыктарды вагондордон чыгып, темир жолду тосууга түртөт.
Алар тез аранын ичинде милиция кызматкерлери жана прокуратуранын келишин талап кылып, поезд орто жолдо тогуз саатка кармалган. Жыйынтыгында тийиштүү органдардын кызматкерлери келип, экспертиза жүргүзүү үчүн жабырлануучуну поездден түшүрүп калышкан. Бул окуя боюнча акыркы маалыматтарга таянсак, кылмышкерге карата иш козголгон.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

Baratali

2010-09-26 00:37:57

Менин оюмча бул 1чи жолу болбосо керек,ал жерде таможниктер эмес маняктар турушат.

MurasKgPatriot

2010-09-27 15:50:27

Мындай шумдукту биринчи угушум,бирок оз башым менен откоргонум 8 саат Бишкек-Новосибирск поезди границада кармалганын билем

AIZAD

2010-09-28 03:26:06

Бул кызга кайдигер карабай вагондордон чыгып жолду тоскон жердештериме баш ийип таазим этем.

AIZAD

2010-09-28 03:35:04

Ушундай акмактарды согойун дейсин,кандай эл кандай улутчулдугуна жетип,калеминди булгагын келбейт да андай арзандар учун!

Naziku

2010-09-29 10:07:00

Тилекке каршы мындай корунуш жолдо далай болот.Казак чек арачылар биздин жарандарды акчасын тартып алып, андан сон,колундагы баласы менен, чонтогундо сокур тыйыны жок поездден тушуруп салышкан учурлар да болот. Соз жок...Бул биздин чон ТРАГЕДИЯБЫЗ.

tumarik

2010-10-01 23:04:06

вай акмактар)) буларды ордуна коюш керек)) бул биринчи жолкусу эмес))мындайлар коп болсо керек)) айтышпайтта уялып биздин келиндер)) айтса озуно да балекет и проблема)) андан коро жон эле кетеберейн дейт акчаны чонтоко салып эле)) лишний расходу жок

Комментарий калтыруу үчүн өз ысымыңыз менен кириңиз же каттоодон өтүңүз.

№ 412, 24-30-сентябрь, 2010-ж.