“Ата Журт” партиясынын лидерлери Камчыбек Ташиев, Садыр Жапаров жана Ахматбек Келдибеков “Мекен шейиттери” бирикмесине кайрылуу жөнөтүштү.
Кайрылуу кандуу окуяларда шейит кеткендердин жакындарына көңүл айтуу менен башталган. Андан ары: “Курманбек Бакиевди өлкөгө алып келебиз”, “7-апрелде шейит кеткен балдарды Бакиев эмес, Убактылуу өкмөт аттырган” жана “селсаяктарды баатыр кылып жатышыптыр” деген сөздөрдү үгүт учурунда айткан эмеспиз. Аны бизди каралоо максатында чыгарышкан. Анын баары элге тескери маалыматты жеткирүү үчүн болгон аракет”,- деп жазылат.