«БАЛАМА МАШИНА АЛЫП БЕРСЕМ ДЕГЕМ...»

Банктардан насыя алуунун жол-жоболорун билбеген жарандарыбыздын саны арбын. Буга чейин насыя алуу боюнча окурмандардын суроолоруна банк адисинен жооп алып бергенбиз. Окурмандардан дагы да көптөгөн суроолор түшүп, аларга "Бакай Банк" АККсынын насыя берүү бөлүмүнүн адиси ГҮЛШАЙЫР МАМАТОВА жооп берет.

– Балама машина алып берейин дегем. Жетиштүү акча болбой жатат. Автонасыя алыш үчүн алдын ала пайыз төлөймбү? Шарттарын айтып койсоӊуздар.

Мирлан, Чүй.

-Автонасыя алыш үчүн сиздин кирешеӊизди тастыктаган акыркы 12 айга аныктама талап кылынат, же болбосо бизнес жаатында эмгектенсеӊиз анда жеке ишкердин 12 айлык патенти талап кылынат. Сиздин насыя боюнча төлөмүӊүз айына сиздин таза кирешеӊиздин 70 пайызынан ашпашы керек. Сиз сатып ала турган автоунааны өз алдыӊызча издештиресиз. Өзүӊүзгө жаккан автоунааны тапкан соӊ баасынын 30 пайызын өзүӊүз төлөйсүз. Ал эми калган суммасын банк бере алат. Күрөөгө сиз алган автоунаа коюлат.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 641, 13-февраль-19-февраль, 2015-ж