ОШТУН «АЛАЙ» КЛУБУНА ТАЖИКСТАНДЫК МАШЫКТЫРУУЧУ ДАЙЫНДАЛДЫ

Оштун «Алай» футболдук клубунун башкы машыктыруучусу болуп тажикстандык спорт чебери Нумонжон Юсупов дайындалды. Бул тууралуу клубдун басма сөз кызматкери Марат Нуристан уулу билдирди.

«Нумонжон Юсупов АФКнын машыктыруучулук «А» лицензиясынын ээси жана ошондой эле футбол боюнча Тажикстандын спорт чебери. Аны менен 1+1 келишими түзүлдү. Нумонжон Юсупов буга чейин Тажикстандын белгилүү «Истиклол» жана «Худжанд» клубдарын машыктырган»,- деп билдирди ал.

«Алай» клубу былтыркы сезондогу Өлкө кубогунун финалында канттык «Абдыш-Ата» клубун 1:0 эсебинде утуп, чемпион аталып, Азия футбол конфедерациясынын (АФК) тайпалык баскычына жолдомо алган.

Жумабай Акимов

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 944, 7-13-январь, 2021-ж.