Дастан Бекешев: "Мектеп окуучулары үчүн Камчы Көлбаев авторитет болсо, албетте, рэкетчилик токтобойт"

Бүгүн, 18-февралда парламентте балдарга жана өспүрүмдөргө карата зордук-зомбулуктун алдын алуу маселеси талкууланып жатат. Депутат Дастан Бекешевдин айтымында, аталган көйгөйдү 3 бөлүккө бөлсө болот:

1. Бала бакчалардагы жана мектептердеги зомбулук;

2. Үй-бүлөдөгү зомбулук;

3. Ата-эненин кароосуз калган балдарга карата зомбулугу.

"Бала бакчалардагы тарбиячылар тарабынан балдарды кыйноо фактылары бар. Мектептерде рэкетчилик өнүккөн, анткени окуучулар үчүн Көлбаев, Акматбаевдер авторитет",- деди депутат.

Бекешев буларды кошумчалады:

"Үй-бүлөдөгү зомбулукка аракечтик негизги себеп болууда. Азыркы мезгилде аракты арзан баада каалаган жерден алууга мүмкүн. Өкмөт буга каршы иш алып барышы керек. Ал эми иштегени чет өлкөгө кеткендер балдарын мекенинде калтырышат эмеспи. Өкмөт бул жерде дагы эч кандай иш-аракет кылбай эле. Тескерисинче, өкмөт "мигранттардан акча которуулар көбөйүүдө" деп жыргап жатат. Мекенинде ишке орноштурууга шарт түзгөн жок".

Автор: Нургазы Аматов