Данияр Тербишалиев: "Ысык-Көлдөгү эс алуучу жайлардын ээлери көл жээгиндеги тосмолорду алгысы келбей жатышат"

Мыйзамдын талаптарына ылайык, Ысык-Көлдөгү эс алуу жайлары жайгашкан жердеги суу жээги 100 метрге чейин тосулбай, жергиликтүү жашоочулар эркин кирип-чыгып турууга укуктуу. Муну парламенттин 5-марттагы жыйынында депутат Данияр Тербишалиев билдирип, эс алуу жайларынын ээлери мындай талапты аткаргысы келбей жатышканын айтты.

"2010-жылдагы Июнь окуясы учурунда жергиликтүү тургундар эс алуу жайларын талап-тоноодон сактап калгандыктан, алардын жетекчилери тосмолорду алып салууга убада беришкен эле. Бирок ал убада ушул кезге чейин аткарылган жок. Ошондуктан жергиликтүү тургундар мыйзам аткарылбай турган болсо, көл жээгиндеги тосмолорду өздөрү алып сала тургандыктарын билдиришти. Өкмөт бул маселени чечүү багытында шашылыш чараларды көрүүгө тийиш",- деди Тербишалиев.

Автор: Автандил Добулбеков