Базар-Коргондо Суу чарба башкармалыгынын жетекчиси пара бергени үчүн кармалды

Базар-Коргон райондук суу чарба башкармалыгынын жетекчиси 100 миң сом пара бергени үчүн кармалды. Бул тууралуу бүгүн, 26-мартта Ички иштер министрлигинин басма сөз кызматы билдирди.

Маалыматка караганда, аталган жетекчи маселени оң жакка чечүү үчүн Жалал-Абад облустук ички иштер башкармалыгынын кызматкерлерине акча сунуштаган. Бул боюнча иликтөө иштери жүрүп, Райондук суу чарба башкармалыгынын башчысы 100 миң сом берип жаткан жеринен кармалган. Учурда кылмыш иши козголуп, тергөө амалдары жүрүп жатат.

Автор: Бекжан Рыскулов