Баңгизаттарды көзөмөлдөө кызматынын эки кызматкери пара алып жаткан жеринен кармалды

Баңгизаттарды көзөмөлдөө боюнча мамлекеттик кызматынын эки кызматкери пара алып жаткан жеринен кармалды. Бул тууралуу бүгүн, 27-мартта УКМКнын басма сөз кызматы билдирди.

Маалыматка караганда, 20-март күнү Е.У. аттуу жаран кайрылган. Анда ал Баңгизаттарды көзөмөлдөө кызматынын Ч.Д. жана А.К. аттуу кызматкерлери 300 доллар сурап жатышканын айткан. Бул боюнча иликтөө иштери жүрүп, аталган эки кызматкер 15 миң сом пара алып жаткан жеринен кармалган. Учурда кылмыш иши козголуп, тергөө амалдары жүрүп жатат.

Автор: Бекжан Рыскулов