Баткендеги Суу-Башы айыл аймагынын башчысы “бюджеттик каражаттарды мыйзамсыз короткон” деп айыпталууда

Баткен облусундагы Суу-Башы айыл аймагынын башчысы “бюджеттик каражаттарды мыйзамсыз короткон” деп айыпталууда. Бул тууралуу бүгүн, 2-апрелде УКМКнын Коррупцияга каршы кызматы билдирди.

Маалыматка караганда, Суу-Башы айыл аймагынын башчысы П.Ж. жана айылдык кеңештин төрагасы К.А. өз ара сүйлөшүп алышып, мектептин айланасын тосуу үчүн жеке ишкердин эсебине 780 миң сом которушкан. Бирок бул иш айылдык кеңештин депутаттары менен макулдашылган эмес. Мындан улам акча каражаты мыйзамсыз коротулган. Учурда бул факт боюнча кылмыш иши козголуп, тергөө амалдары жүрүп жатат.

Автор: Бекжан Рыскулов