Өлкөдө арактын жана тамекинин жарнамаларына тыюу салынышы мүмкүн

Өлкөдө арактын жана тамекинин жарнамаларына тыюу салынышы мүмкүн. Тиешелүү мыйзам долбоорун депутаттар Акылбек Султанов, Төрөбай Зулпукаров жана Майрамбек Расулов демилгелешүүдө.

Бул долбоор өлкөнүн бүткүл аймагында алкоголдук ичимдиктерин жана тамеки заттарын ар кандай ыкмалар менен жарнамалоого тыюу салат.

"Алкоголдук продукциянын жарнамасын жайылтуу алкоголдук продукцияны керектөөчүлөрдүн өзүнө гана зыян келтирбестен, керектөөчүлөрдүн ден соолугун жана адебин сактоону айтпаганда да, калктын аны керектебеген (негизинен балдар, жаштар, улгайган адамдар) негизги бөлүгүнүн укуктарын бузат жана эркиндиктерин чектейт",- дешет демилгечилер.

Автор: Нургазы Аматов
Фото: Интернеттен алынды