Перинаталдык борбордун кызматкерине карата козголгон кылмыш иши тергелип бүтүп, сотко жөнөтүлдү

Бишкектеги Перинаталдык борбордун башкы эсепчисине карата козголгон кылмыш иши тергелип бүтүп, сотко жөнөтүлдү. Бул тууралуу бүгүн, 6-апрелде Башкы прокуратуранын басма сөз кызматы билдирди.

Маалыматка караганда, ишти Бишкек шаарынын Октябрь райондук соту карайт.

Айта кетсек, февраль айында аталган борбордун башкы эсепчиси кылмыш жоопкерчилигинен качуу жана бюджеттик каражаттарды уурдоо фактысын жабуу үчүн милиция кызматкерине 500 миң сом пара берип жаткан жеринен кармалган.

Автор: Бекжан Рыскулов