Ош мэри республикалык билим олимпиадасында ийгиликке жетишкен окуучулар менен жолукту

Ош шаарынын мэри Айтмамат Кадырбаев бүгүн, 15-майда республикалык билим олимпиадасында байгелүү орундарга ээ болгон окуучулар, аларды жетектеген мугалимдер жана ата-энелер менен жолугушту. Бул тууралуу мэриядан кабарлашты. Маалыматка ылайык, анда мэр олимпиадада терең билимдүүлүгүн тастыктап, байгелүү орунга ээ болгон окуучуларга баалуу белектерди, мугалимдерге жана ата-энелерге ыраазычылык баракчаларын тапшырды.

Кошумчалай кетсек, республикалык олимпиада 27-28-март күндөрү Бишкекте өтүп, ага Ош шаарынан барган окуучулардын ичинен 13 катышуучу байгелүү орунга ээ болгон. Жалпы командалык жыйынтык менен Ош шаарынын окуучулары республика боюнча 2-орунду багындырышкан.

Автор: Максат Кудайбердиев