Депутаттар Мамлекеттик каттоо кызматына бир нече сын-пикирлерди айтышты

Бүгүн, 3-июнда Жогорку Кеңеште Мамлекеттик каттоо кызматынын 2014-жылы жана 2015-жылдын үч айында жарандарга паспортторду жана айдоочунун күбөлүктөрүн мыйзамсыз берген фактылары жөнүндөгү маселе каралууда. Жыйында эл өкүлдөрү Мамлекеттик каттоо кызматынын дарегине бир нече сын-пикирлерин айтышты. Депутат Майрамкүл Тиленчиева паспорт берүү системинде бакиевдик схема дале иштеп жатканына токтолду. "Бүгүн биз бул тармакты түп-тамырынан өзгөртүүгө албасак, мыйзамсыз паспорт берүү өнөкөтү токтобойт. Ошондой эле жумушчуларынан бери сынактан өткөрүү керек, антпесе бул тармак бакиевдик системден арылбайт",- деди Тиленчиева. Башка эл өкүлдөрү мыйзамсыз паспорт берүү фактылары катталса дагы бир да кызмат адамы эскертүү, сөгүштөн сырткары жоопко тартылбаганын сынга алышты.

Автор: Жамалидин Парманкулов