Темир Сариев Ысык-Көлдө жайкы туристтик сезондун ачылышына катышты

Өкмөт жетекчиси Темир Сариев бүгүн, 3-июнда Ысык-Көл облусунда жайкы туристтик сезондун ачылыш аземине катышты. "Ысык-Көл - кыргыз бермети жана биздин байлыгыбыз. Биз аны сактап, туура пайдаланышыбыз керек",- деген премьер-министр туристтер үчүн жагымдуу шарттарды түзүү зарылдыгын белгиледи. "Биздин өлкөгө келген конокторго аяр жана меймандостук мамиле кылуубуз шарт. Ошондо Ысык-Көл туристтик Меккеге айланат",- дейт Сариев.

Өкмөт башчы туристтик сезонду ийгиликтүү өткөрүү Ысык-Көл үчүн гана эмес, бүтүндөй республиканын өнүгүшүнө таасирин тийгизерин кошумчалап, муну айтты: "Ысык-Көл тартип орногон жана мыйзам иштеген курорттук аймакка айланышы керек".

Автор: Автандил Добулбеков