Алмазбек Атамбаев президент Режеп Тайип Эрдоганга көңүл айтты

Мамлекет башчы Алмазбек Атамбаев Түркиянын 9-президенти Сулейман Демирелдин дүйнөдөн кайткандыгына байланыштуу Түркия президенти Режеп Тайип Эрдоганга көңүл айтты. Бул тууралуу 17-июнда президенттик аппараттан билдиришти.

“Түркия жана жалпы түрк дүйнөсү легендарлуу лидерден, көрүнүктүү саясатчыдан жана мамлекеттик ишмерден айрылды”,- деп белгиленет телеграммада.

Алмазбек Атамбаев кыргыз өлкөсүнүн элинин жана жеке өзүнүн атынан маркумдун үй-бүлөсүнө, бир тууган жана боордош Түркиянын жалпы элине терең кайгыруу менен көңүл айтты.

Автор: Жамалидин Парманкулов