Жыл башынан бери балдарга зомбулукту болтурбоо үчүн 195 048 үй-бүлө көзөмөлдөндү

Жыл башынан бери балдарга карата зомбулуктун алдын алуу боюнча Социалдык өнүгүү министрлигинин аймактык бөлүмдөрү тарабынан 195 048 үй-бүлө көзөмөлгө алынды. Бул тууралуу бүгүн, 30-июнда аталган министрликтен билдиришти. Учурда мамлекетте 18 жашка чейинки 2 миллион 235 400 бала бар экени, аларга карата орой мамилени болтурбоо үчүн 10 мекеме жана Бишкек, Ош мэриялары чукул кырдаалдар планына кол коюшканы айтылды. Балдардын укугун коргоо багытында 528 штаб түзүлгөн.

Жыл башынан бери көзөмөлгө алынган үй-бүлөлөрдүн саны аймактар боюнча:

Ош облусу - 41 857

Чүй облусу - 40 242

Жалал-Абад облусу - 38 222

Талас облусу - 23 657

Ысык-Көл облусу - 18 107

Нарын облусу - 12 416

Баткен облусу - 12 068

Бишкек шаары - 8479

Автор: Автандил Добулбеков