Орусиядагы чет өлкөлүк жарандардын саны боюнча кыргыз өлкөсү 9-орунда турат. Мындай маалыматты бүгүн, 1-июлда Эмгек, миграция жана жаштар министрлигинин басма сөз кызматы жарыялады.
Орусия Федерациясынын аймагындагы чет өлкөлүктөрдүн эң көбүн Украинанын жарандары (2 миллион 579,8 миң адам) түзөт. Бул көрсөткүч боюнча экинчи орунда Өзбекстан (2 миллион 149,8 миң адам), андан соң Казакстан (668,1 миң адам) жана Беларусь (553,6 миң адам) турат. Ошондой эле Орусияда Азербайжандын 548 миң жараны, Молдованын 545,5 миң жараны, Армениянын 516,7 миң жараны жашайт. Ал эми Кыргыз Республикасы бул тизмеде 9-орунда жайгашкан. Расмий маалыматтарга ылайык, Орусиянын аймагында 508 213 кыргыз жараны турат.