Өмүрбек Текебаев: "Мелис Мырзакматовду "Бакиевдердин куйругу" деп мен айткан эмесмин, айткандар Ак үйдүн 7-кабатында отурушат"

"Мелис Мырзакматовду "Бакиевдердин куйругу" деп мен айткан эмесмин, айткандар Ак үйдүн 7-кабатында отурушат". Мындай пикирин депутат Өмүрбек Текебаев Жогорку Кеңештеги "Ата Мекен" фракциясынын 5 жыл аралыгында аткарган иштери тууралуу 7-июлда журналисттерге маалымат берип жатып айтты. Фракция лидери: "Текебаев Мелис Мырзакматовду "Бакиевдердин куйругу" деп айтты" деген маалымат жаңылыштык",- деди. "Тескерисинче, Курманбек Бакиев кеткенден кийин Мырзакматовду менден башка бир нече саясатчылар жамандашкан. Ошон үчүн ал башка партия менен бирикпей, "Ата Мекен" партиясы менен биригип жатат",- деди ал.