Эльвира Сариева: "Жаңы технологияларды колдоно билген мугалимдерди даярдашыбыз керек"

Бүгүн, 7-июлда билим берүү жана илим министри Эльвира Сариева билим берүүдө маалыматтык-коммуникациялык технологияларды жайылтуу боюнча Орто Азия симпозиумуна катышты. Симпозиумдун максаты - мугалимдердин новатордук жөндөмдүүлүгүн жогорулатууга шарт түзүү.

“Балдарыбыздын татыктуу билим алуусун камсыз кылууда мугалимдер маанилүү ролду ээлешет. Ошондуктан биз жаңы технологияларды колдоно билген кадрларды даярдоого көңүл бурушубуз керек”,- деди Сариева.

Министрликтин билдиришинче, бүгүнкү иш-чара Орто Азия өлкөлөрүнө мугалимдерди даярдоосуна байланыштуу кийинки кадамдарды талкуулоо үчүн мүмкүнчүлүк жана педагогикада маалыматтык-коммуникациялык технологияларды колдонуу боюнча негизги багыттарды берет.

Автор: Автандил Добулбеков