Өмүрбек Текебаев: "Алмазбек Атамбаев менен Мелис Мырзакматов - парламенттик системди куруу боюнча чоң долбоордун негизги элементтери"

"Президент Алмазбек Атамбаев менен экс-мэр Мелис Мырзакматов - өлкөгө парламенттик системди куруу боюнча чоң долбоордун негизги элементтери". Муну депутат Өмүрбек Текебаев 7-июлда Жогорку Кеңеште журналисттер менен болгон жолугушууда айтты. Депутат журналисттерге "Ата Мекен" менен "Улуттар биримдиги" партиясынын биригүүсүн "президентке каршы туруу" деп түшүнбөө керектигин кошумчалады.

"Ата Мекен" - көз карандысыз партия. Ошон үчүн ким менен биригет, ал партиянын иши. Бирок муну президентке каршы туруу деп кабыл албаш керек, керек болсо биз президентке керектүү учурда колдоо көрсөтүүгө даярбыз жана колдоо көрсөтсө баш тартпайбыз",- деп белгиледи ал.

Автор: Жамалидин Парманкулов