Мамлекеттик чек ара кызматынын башчысы Баткенге барды

Мамлекеттик чек ара кызматынын башчысы Райимберди Дүйшөнбиев бүгүн, 8-июлда Баткен облусуна барды. Дүйшөнбиев бүгүн түшкө чейин Тажикстандын Улуттук коопсуздук мамлекеттик комитетинин Чек ара аскерлигинин өкүлдөрү менен жолугушуп, кыргыз-тажик чек арасындагы кырдаалды талкууламакчы. Эки өлкөнүн чек ара бөлүмдөрүнүн өз ара кызматташтыгына тийиштүү маселелерди сүйлөшөрүн Чек ара кызматынан билдиришти.

Эскерте кетсек, 6-июлда Баткен облусунда кыргыз-тажик чек арасында ок атышуу болуп, Тажикстандын бир жараны октон жаракат алган. Чырдын башталышына Баткен-Исфана жолунда бара жаткан кыргыз жарандарын тажиктердин таш бараңга алышы себеп болгону жарыяланган.

Автор: Автандил Добулбеков