Жол-кайгуул кызматы: 2015-жылдын алгачкы 3 айында автокырсыктар азайды

Кыргыз мамлекетинде 2015-жылдын алгачкы 3 айында жол кырсыктарынын саны мурунку жылдын ушул мезгилине салыштырмалуу 6,1 пайызга азайды. Биринчи кварталда автокырсыктан каза тапкандардын саны 8 пайызга, жаракат алгандардын саны 5,8 пайызга азайды. Бул тууралуу бүгүн, 10-июлда ИИМдин Жол-кайгуул кызматы билдирди.

Жол кырсыктарынын саны:

2014-жылдын 1-кварталында - 3207;

2015-жылдын 1-кварталында - 3011;

Жол кырсыктарынан каза болгондордун саны:

2014-жылдын 1-кварталында - 461;

2015-жылдын 1-кварталында - 424;

Жол кырсыктарынан жаракат алгандардын саны:

2014-жылдын 1-кварталында - 4660;

2015-жылдын 1-кварталында - 4387.

Жол кырсыктарынан балдардын каза болушу да азайганы айтылды. Былтыркы жылдын алгачкы 3 айында балдардын катышуусунда 609 кырсык катталса, быйыл 574 кырсык болду. Каза болгондордун көрсөткүчү 21 пайызга азайган. "Бирок бул бизди кубандырбайт, анткени жарандардын өмүрүн жана ден соолугун алган жол кырсыктары уланууда",- деп билдирет мекеме.

Автор: Автандил Добулбеков