Асылбек Жээнбеков Сауд Арабия Падышалыгынын элчиси Абдурахман бин Саид аль-Жума менен сүйлөшүү жүргүздү

Жогорку Кеңештин төрагасы Асылбек Жээнбеков бүгүн, 13-июлда Сауд Арабия Падышалыгынын кыргыз өлкөсүндөгү элчиси Абдурахман бин Саид аль-Жуманы кабыл алды. Эки мамлекеттин ортосундагы мамилелердин өнүгүшүнө оң баасын берген төрага эки жактуу алакалардын бекемделишин шарттаган президент Алмазбек Атамбаевдин 2014-жылдын декабрындагы Сауд Арабияга болгон расмий иш сапары менен 2013-жылдын сентябрындагы Сауд Арабиянын Аш-Шура Мажилисинин спикери Абдулла ибн-Мухаммед аль-Аш-Шейхтин Кыргыз Республикасына болгон иш сапарынын ордун баса белгиледи. “Мындай диалогдун ийгиликтүү улантылышы үчүн биз сиздер менен болгон ишибизди жандандырышыбыз зарыл. Биздин бирдиктүү ишмердүүлүгүбүздүн натыйжалуулугунун критерийи реалдуу жетишкендиктер болушу абзел”,- дейт төрага Жээнбеков.

Өз кезегинде элчи Кыргыз Республикасы менен мындан ары дагы активдүү кызматташууга кызыкдар экенин билдирип, төрагага кыргыз өлкөсүнүн парламенти бир катар маанилүү макулдашууларды ратификациялагандыгы үчүн ыраазычылыгын айтты.

Автор: Автандил Добулбеков