Тажикстандын президенти кыргыз элин Эгемендүүлүк күнү менен куттуктады

Тажикстандын президенти Эмомали Рахмон Кыргыз Республикасынын Президенти Алмазбек Атамбаевге Кыргыз Республикасынын Эгемендүүлүк күнүнө карата куттуктоо катын жиберди. Бул тууралуу Тажикстандын кыргыз жериндеги элчилигинин басма сөз кызматы билдирди.

Рахмондун куттуктоосунда булар айтылат:
"Кыргыз Республикасынын Эгемендүүлүк күнүн белгилөө майрамы сизди жана өлкөнүн жалпы элин куттуктоого жагымдуу мүмкүнчүлүктү түзүп берүүдө. Биздин мамлекеттерибиздин ортосундагы көп кылымдык тарыхы бар достук мамилелер мындан ары да өнүгөрүнө толук ишенем. Тажикстан кыргыз өлкөсү менен ишеним жана өз ара түшүнүү принциптерине негизделген тыгыз жана пайдалуу байланыштарга даяр. Биздин мамлекеттердин өз ара пайдалуу кызматташтыгын кеңейтүү ниетиндебиз. Сизге, урматтуу Алмазбек Шаршенович, чың ден соолук жана ийгилик, ал эми боордош кыргыз элине өркүндөө жана аманчылык каалайм".

Автор: Нургазы Аматов