Борбордук шайлоо комиссиясы: Депутаттыкка талапкерлердин катарынан 61 адам чыкты

Парламенттик шайлоодо ат салышчу талапкерлердин тизмесинен жалпы 61 адам чыгарылды. БШКнын билдиришинче, бүгүнкү күнгө карата "Ар-намыс" партиясынын талапкерлеринен 7 адам, "Кыргызстан элдеринин конгресси" партиясынан 2, "Бир болдон" 2 адам чыкты. Буга чейин коомчулуктун сын-пикиринен кийин айрым партиялардан талапкерлер өз каалоолору менен шайлоого катышуудан баш тартышкан эле.

Эскерте кетсек, парламенттик шайлоого 14 партия катышканы жатат. Үгүт иштери 4-сентябрда башталып, шайлоо 4-октябрда өтөт.

Автор: Автандил Добулбеков