Ош шаардык мэриясында парламенттик шайлоого даярдыктын жүрүшү талкууланды

Ош шаардык мэриясында 2-сентябрда Жогорку Кеңештин депутаттарын шайлоого даярдыктын жүрүшү талкууланды. Мэриянын билдиришинче, жыйынга шаар башчысы, шаардык ишкана-мекемелердин жетекчилери, аймактык шайлоо комиссияларынын өкүлдөрү катышты.

"Шайлоону өткөрүүгө даярдык көрүүнүн алкагында жасалчу иш-чаралар каралды. Шаар аймагындагы бардык шайлоо тилкелерин керектүү жабдуулар менен камсыздоо тапшырмасы берилди. Ош шаарында 73 негизги шайлоо тилкеси бар, мындан тышкары ички мигранттар үчүн кошумча 7 шайлоо тилкеси ачылды",- деп айтылат маалыматта.

Автор: Автандил Добулбеков