Жалал-Абад шаардык кеңеши 3-сентябрда таза суунун тарифин талкуулайт

Жалал-Абад шаардык кеңешинин 3-сентябрдагы кезексиз сессиясында шаардагы таза суунун тарифи талкууланат. Бул тууралуу бүгүн, 2-сентябрда Жалал-Абад шаардык мэриясынан билдиришти.

Жыйында парламенттик шайлоого карата Жалал-Абад шаарынын участкалык комиссиялары менен кошумча талапкерлердин тизмесин макулдашуу, муниципалдык менчиктеги жаңы курулган жөө жүрүүчүлөр өтүүчү асма көпүрөнү жана имаратты оперативдик башкарууга өткөрүп берүү, Жалал-Абад шаары менен Кытайдын Чанша шаарынын ортосунда достук мамиле түзүү жөнүндө жана башка маселелер каралары айтылды.

Автор: Автандил Добулбеков