Асылбек Жээнбеков: "Шайлоого катыша турган депутаттар үгүт иштери бүтмөйүнчө кызматтык унааларды пайдалана алышпайт"

Келерки парламенттик шайлоого катыша турган депутаттар үгүт иштери бүтмөйүнчө кызматтык унааларды пайдалана алышпайт жана алардын иш сапарларына каражат төлөнбөйт. Бул тууралуу бүгүн, 3-сентябрда төрага Асылбек Жээнбеков билдирди. Мындан тышкары ал 4-сентябрдан тарта талапкер депутаттардын жардамчылары, фракциялардын катчылыгынын кызматкерлери иш сапарларга чыга алышпастыгын баса белгиледи.
Айта кетсек, Жогорку Кеңештин 92 депутаты парламенттик шайлоого талапкер катары аттанды. Тагыраак айтканда, жалпы 120 парламенттик депутаттын 28и гана алдыдагы шайлоодо ат салышпайт.

Автор: Нургазы Аматов