“Кара-Кечени” комплекстүү иштетүү долбоору 4 этап менен 2020-жылга чейин ишке ашырылат

“Кара-Кече” көмүр кенин комплекстүү иштетүү боюнча сынактык комиссия түзүлөт. Мындай чечим өкмөттүн 3-сентябрдагы жыйынында кабыл алынды. Долбоордун алкагында 3 маселени чечүүгө жол ачылары айтылды. Алар:

- Балыкчы - Кара-Кече темир жолун куруу;

- Кенди комплекстүү иштетүү;

- Кенде жылуулук борборун куруу.

“Долбоорду ишке ашыруу Токтогул ГЭСин куруу сыяктуу маанидеги иш. Анткени жылуулук борбору курулуп, кенди толук кандуу иштетүүгө шарт түзүлөт. Ошондой эле Бишкек жылуулук борборун толук кандуу көмүр менен камсыз кылууга болот”,- дейт өкмөт башчы Темир Сариев.

Энергетика жана өнөр жай министрлиги долбоорду 4 этап менен 2020-жылга чейин бүтүрүүнү пландоодо.

Автор: Автандил Добулбеков