"Өкмөттө бюрократия машакаты азайды" дейт Темир Сариев

"Өкмөттө ашыкча макулдашуулар жана бюрократиялык убаракерчилик азайтылды",- деп билдирди премьер-министр Темир Сариев 5-сентябрда Жаш ишкерлер ассоциациясынын өкүлдөрү менен жолугушууда. Сариев учурда мамлекеттик органдардагы тартипти жөнгө салуу жана талапты күчөтүүгө аракет көрүлүп жатканын билдирди.

“Биздин негизги талап - тартипти жөнгө салуу. Тартипти жөнгө салмайынча иштин эффективдүүлүгүн жогорулатуу болбойт. Ошондуктан мамлекеттик органдардагы ички тартипти жөнгө салуу менен алардын иштөө стилин өзгөртүп жатабыз. Мунун негизинде министрликтердин жоопкерчилиги жогорулады”,- дейт өкмөт башчысы.
Жол-кайгуул кызматы системин реформалоо боюнча документтер иштелип чыкканын айткан премьер: “Өлкөдө өнүгүүнүн аныкталган багыты бар. Учурда өлкө үчүн маанилүү болгон бир нече долбоорду ишке ашыруунун үстүнөн иштеп жатабыз",- деди.

Автор: Автандил Добулбеков