Шайлоочулардын тизмесинен тактала элек 6 миңге жакын жаран бар

Бүгүнкү күндө биометрикалык маалыматын тапшырып, бирок шайлоочулардын тизмесинен тактала элек 5827 жаран бар. Бул тууралуу бүгүн, 17-сентябрда вице-премьер-министр Тайырбек Сарпашевдин журналисттер менен болгон жолугушуусунда белгилүү болду.

Маалыматка караганда, 16-сентябрга карата биометрикалык маалыматын тапшырган жарандардын саны 2 миллион 807 925ти түздү. Маалыматтардын басымдуу бөлүгү акыркы 4-5 айда чогултулган. Учурда шайлоочулардын базасы түзүлүп, ага 2 миллион 670 469 адам кирген.

Айта кетсек, биометрикалык маалыматтарды чогултуу 18-сентябрда кечинде токтотулуп, кайра бир айдан кийин жанданат.

Автор: Наргиза Бекжанова