Жамгырбек Бөкөшев, серепчи: "Жогорку Кеңештин V чакырылышынын эң чоң жетишкендиги - революциядан кийин өлкөнү турукташтырууга кошкон салымы"

"Жогорку Кеңештин V чакырылышынын эң чоң жетишкендиги - революциядан кийин өлкөнү турукташтырууга кошкон салымы". Муну саясий серепчи Жамгырбек Бөкөшевге шилтеме берүү менен парламенттин маалымат кызматы билдирди.

"Революциядан кийин элди чайпалтпай, нааразы кылып толкутпай, туруктуулукту сактап калганга салым кошкону, түшүнгөн кишиге, чоң олжо. Эң негизгиси, ушул парламенттин ишинен өлкө дагы, саясатчылар, шайлоочулар дагы белгилүү бир сабак алып, жаңы келе турган парламентке кандай талаптарды коюу керектигин, алардан эмнелерди күтөрүн, кандай тапшырмаларды берерин түшүнүп калышты”,- дейт Бөкөшев.

Серепчи айрым маселелер боюнча парламент чечкинсиздик кылганын айтып, мисал катары өкмөт менен болгон мамилелердеги оош-кыйыштарды келтирди.

Автор: Автандил Добулбеков