Жогорку Кеңеште бүгүн комитет төрагаларынын орун басарлары шайланат

Жогорку Кеңештин төрагасы Асылбек Жээнбековдун жетекчилиги менен Координациялык кеңештин биринчи жыйыны өтүп, анда ноябрь айынын календарлык планынын долбоору жана парламенттин 11-12-ноябрдагы жыйындарынын күн тартиби бекитилди.

Ага ылайык, парламенттин бүгүнкү жыйынында 2015-жылдын ноябрына карата Жогорку Кеңештин ишинин календарлык планы бекитилмекчи. Мындан тышкары “Жогорку Кеңештин комитеттеринин карамагындагы маселелерди бекитүү жөнүндө” Жогорку Кеңештин токтомунун долбоору, Жогорку Кеңештин комитеттеринин төрагаларынын орун басарларын шайлоо жана башка маселелер каралмакчы.

Автор: Автандил Добулбеков