Ош облусунун Алай районунда күчү 3,8 балл болгон жер титирөө катталды

Ош облусунун Алай районунда кечээ, 8-декабрда саат 18:57де эпицентрде 3,8 балл болгон жер титирөө катталды. Бул тууралуу Улуттук илимдер академиясынын Сейсмология институту билдирди.
Маалым болгондой, жер титирөөнүн очогу Кыргыз Республикасы менен Тажикстан Республикасынын чек арасында болуп, Бор-Дөбө айылынан 15 чакырым түштүк-чыгышты карай, Сары-Таш айылынан 30 чакырым түштүк-чыгышты карай, Дароот-Коргон айылынан 115 чакырым түштүк-чыгышты карай жайгашкан. Жер титирөөнүн күчү Сары-Дөбө айылында 3,5 балл, Кара-Киндик айылында 2,5 балл болду. Алдын ала маалыматтар боюнча, кыйроолор жок.

Автор: Наргиза Бекжанова