Сокулук районунда мурда сот жообуна тартылган, адам өлтүрүүгө шектелген Нурбек Арстанов изделүүдө

Сокулук райондук ички иштер башкармалыгы мурда сот жообуна тартылган, адам өлтүрүү фактысы боюнча шектелген Нурбек Арстановго издөө салат. Бул тууралуу бүгүн, 28-апрелде Чүй облустук ички иштер башкы башкармалыгынан билдиришти.

Маалыматка ылайык, 1986-жылы 10-декабрда Жалал-Абад облусунун Аксы районуна караштуу Кербен шаарында туулган Арстанов Нурбек Шарипбаевич Кыргыз Республикасынын Кылмыш кодексинин 97-беренеси (адам өлтүрүү) боюнча изделүүдө. Белгилери: бою 170-175 сантиметр, дене түзүлүшү арыгыраак, чачы кара.

Эгер кылмышка шектүү жөнүндө кандайдыр бир маалыматка ээ болсоңуз, (0312) 43-01-27, (0772) 18-46-57, (0772) 18-46-57, (0555) 43-34-43 телефон номурлары аркылуу билдирүү керек.

Автор: Мальвина Уметбекова