Өткөн суткада өлкөдө 6 өрт кырсыгы катталып, Ош-Бишкек унаа жолунан унаанын арткы бөлүгү күйүп кетти

Өткөн сутка ичинде өлкө аймагында 6 өрт кырсыгы катталып, аларды өчүрүүгө 6 өрт өчүрүү бөлүмү тартылган. Бул тууралуу бүгүн, 2-июнда Өзгөчө кырдаалдар министрлигинин басма сөз кызматынан билдиришти.

Маалыматка ылайык, борбор калаада 1, Чүй облусунда 1, Жалал-Абад облусунда 1, Ош облусунда 1, Баткен облусунда 2 өрт кырсыгы катталды.

Өзгөн районуна караштуу Жыланды айыл аймагынан унаанын арткы бөлүгү күйүп кетти. Анда Ош-Бишкек унаа жолунун 607-чакырымында көпүрөдөн Субару Легаси үлгүсүндөгү унаасынын арткы бөлүгү күйгөн. Учурда өрттүн келип чыгуу себеби такталууда.

Автор: Мальвина Уметбекова