Жайыл районундагы өрт кырсыгынан 42 жаштагы аял жана 8 жаштагы бала денесинен күйүк алды

Жайыл районундагы турак жайлардын биринен өрт чыгып, 42 жаштагы аял жана 8 жаштагы бала бутунун тамандарынан күйүк алды. Бул тууралуу бүгүн, 11-октябрда Өзгөчө кырдаалдар министрлигинен билдиришти.

Маалыматка ылайык, Новониколаевка айылындагы турак жайлардын биринин ашканасынын 50 чарчы метр чатыры жана 2 жыгач эшиги күйгөн. Натыйжада 42 жаштагы А.Айна аттуу үйдүн кожойкеси жана 8 жаштагы Б.Азирет аттуу баласы бутунун тамандарынан жеңил күйүк алышып Жайыл райондук ооруканасына жеткирилишкен. Учурда өрттүн келип чыгуу себеби такталууда.

Автор: Мальвина Уметбекова