Ысык-Ата районунда "45 жаштагы аялды сабаган" деген шек менен 21 жаштагы жергиликтүү тургун кармалды

Ысык-Ата районунда "45 жаштагы аялды сабаган" деген шек менен 21 жаштагы жергиликтүү тургун кармалды. Бул тууралуу бүгүн, 13-октябрда Чүй ОИИББинин басма сөз кызматынан билдиришти.

Маалыматка ылайык, 12-октябрда милицияга арыз менен 45 жаштагы Ивановка айылынын тургуну кайрылган. Анда ал саат 07:00 чамасында 25-30 жаштардагы белгисиз адам аны себепсиз ур-токмокко алганын билдирген. Жүргүзүлгөн иликтөө иштеринин алкагында кылмышка шектүү катары 21 жаштагы Э.Ж. аттуу жергиликтүү тургун кармалган. Учурда териштирүү иштери жүрүүдө.

Автор: Мальвина Уметбекова